Meta

FAVI ta yuda y guia personanan cu ta ciego y cu limitacion di bista cu e meta pa contribui na nan alegria di bida. Si nan ta desea y si ta posibel, contribui na nan desaroyo personal y na integracion. Alegria di bida kiermen; saca e persona for di su isolacion pa e por biba un bida mas alegre; pa nan tin contacto social; pa bida ta bale la pena.

Lesa Mas...

Costo

Yudansa, guia y participacion na e actividadnan di FAVI ta gratis, danki na subsidio di Gobierno pa cu e salarionan di e trahadornan profesional di FAVI,  donacionan di personanan individual den nos communidad, comercio, clubnan di servicio y otro instancianan.

Historia

Na aña 1974 un grupo hopi entusiasma bao guia di Hulanda a wordo stimula pa lanta “Stichting Blindzorg Aruba”. Na 1975 a cambia e nomber pa Fundacion Arubano di esnan Visualmente Incapacita, abrevia FAVI y asina tambe facilmente reconoci den e communidad. E nomber FAVI awendia inmediatamente ta wordo liga cu personanan cu limitacion di bista.

Lesa Mas...

Registracion

Tur persona cu un limitacion di bista por registra na FAVI. Esaki por sosode personalmente of dor di p.e. un dokter di bista, famia of otro instancia. Despues di e parti di registro un trahado di FAVI lo haci un bishita na cas, ta haci un intake y hunto cu e persona ta evalua kiko e necesidadnan ta y den ki forma FAVI por brinda servicio.

Si bo persona tin mas pregunta, tuma contacto cu e centro di FAVI na telefon: 5825222 of 5825051